سمر انٹرن شپ مکمل کرنے سے ہم ملکی مسائل کو بہتر طور پر سمجھنے اور انہیں حل کرنے کے قابل ہوئے، طلبہ
گوادر/لسبیلہ: گوادر کے پاک چائنا ٹیکنیکل اینڈ ووکیشنل انسٹی ٹیوٹ اور لسبیلہ میں آئی ایس پی آر سمر انٹرن شپ پروگرام 2026 کی اختتامی تقریبات منعقد ہوئیں، جن میں اساتذہ اور طلبہ کی بڑی تعداد نے شرکت کی۔گوادر میں جی او سی گوادر جبکہ لسبیلہ میں پاک فوج کے اعلیٰ افسران اور یونیورسٹی کے وائس چانسلر نے انٹرن شپ مکمل کرنے والے طلبا و طالبات میں سرٹیفکیٹس تقسیم کیے۔ پروگرام کے دوران طلبہ کو حقائق جانچنے، جدید ابلاغی مہارتیں سیکھنے اور عملی تجربہ حاصل کرنے کا موقع ملا۔طلبہ نے پروگرام کو مفید قرار دیتے ہوئے کہا کہ اس سے ملکی مسائل کو بہتر طور پر سمجھنے، حقائق جانچنے اور قومی خدمت کا جذبہ بڑھانے میں مدد ملی۔ مہمانوں نے نوجوانوں پر زور دیا کہ وہ جدید تعلیم اور ہنر سے آراستہ ہوکر پاکستان بالخصوص بلوچستان کی تعمیر و ترقی میں مؤثر کردار ادا کریں۔
Leave a Reply