مذاکرات ایک طرف، پیٹرول مہنگا دوسری طرف؛ حافظ نعیم کا حکومت کو آخری انتباہ

کراچی: امیر جماعت اسلامی حافظ نعیم الرحمٰن نے پیٹرولیم مصنوعات کی قیمتوں میں اضافے پر حکومت کو شدید تنقید کا نشانہ بناتے ہوئے کہا ہے کہ ایک طرف مذاکرات کیے جاتے ہیں اور دوسری طرف راتوں رات عوام پر ’’پیٹرول بم‘‘ گرا دیا جاتا ہے۔انہوں نے کہا کہ عوام کو نمائشی ریلیف یا خیرات نہیں بلکہ اپنا حق چاہیے۔ حکومت نے پیٹرولیم لیوی، مہنگائی اور آئی پی پیز کے معاملے پر فیصلہ کن اقدام نہ کیا تو موجودہ مذاکرات آخری ثابت ہوسکتے ہیں۔ حافظ نعیم نے دو روز بعد اسلام آباد مارچ کے لائحہ عمل کے اعلان کا بھی عندیہ دیا۔