دشمن کیلئے ’سرپرائز‘ تیار، نئی فوجی ٹیکنالوجی سے جواب دیں گے: ایران

تہران: ایرانی مسلح افواج کے ترجمان بریگیڈیئر جنرل ابوالفضل شکارچی نے خبردار کیا ہے کہ ایران کے خلاف کسی بھی نئی جارحیت کا جواب جدید فوجی ٹیکنالوجی اور نئی دفاعی صلاحیتوں کے ذریعے دیا جائے گا۔ ان کا دعویٰ ہے کہ ایرانی افواج پہلے سے زیادہ مضبوط دفاعی پوزیشن میں ہیں اور ممکنہ دشمن کارروائی کے لیے کئی ’’سرپرائزز‘‘ تیار رکھے گئے ہیں

ایرانی ترجمان کے مطابق ملک نے غیر متناسب جنگی حکمتِ عملی، مقامی دفاعی ٹیکنالوجی، میزائلوں اور ڈرون صلاحیتوں پر خصوصی توجہ دی ہے۔ تاہم انہوں نے ان مبینہ نئی ٹیکنالوجیز یا ’’سرپرائزز‘‘ کی تفصیلات ظاہر نہیں کیں۔ یہ بیان ایسے وقت سامنے آیا ہے جب ایران، امریکا اور اسرائیل کے درمیان خطے میں کشیدگی برقرار ہے۔