انڈونیشیا میں جنگلاتی آگ آٹھویں روز میں داخل، سینکروں ایکڑ رقبہ جل کر خاکستر

انڈونیشیا کے مشرقی جاوا میں ماؤنٹ برومو کے ارد گرد جنگل میں لگی آگ آٹھویں دن میں داخل ہوگئی ہے جس میں اب تک 1,285 ایکڑ اراضی جل چکی ہے۔

جکارتہ گلوب کے مطابق جنگلاتی آگ کی اطلاع برومو ٹینگر سیمیرو نیشنل پارک کے اندر پروبولنگو ریجنسی کے سمبر ضلع کے پنکاک 30 میں موصول ہوئی۔

پروبولنگو ڈیزاسٹر مِٹیگیشن ایجنسی کے سربراہ، عمیر سجریف نے کہا کہ ایک چھوٹا سی جنگلاتی آگ نمایاں طور پر پھیل گیا جس نے جنگل اور اردگرد کی پودوں کو لپیٹ میں لے لیا۔

آگ بجھانے والی ٹیمیں آگ پر قابو پانے اور اسے پھیلنے سے روکنے کے لیے زمینی اور فضائی آپریشن کر رہی ہیں۔

آبی چھڑکاؤ کی کارروائیوں کے لیے تین ہیلی کاپٹر تعینات کیے گئے ہیں، خاص طور پر ان علاقوں میں جہاں ناہموار علاقے کی وجہ سے زمینی عملے کے لیے پہنچنا مشکل ہے۔ فائر فائٹرز پانی کے ٹینکر اور پانی چھڑکنے والے ڈرون بھی استعمال کر رہے ہیں۔