پاکستان میں پہلا جدید سہولیات سے لیس موبائل غسل يونٹ متعارف

قبا اسلامک کمپلیکس اسلام آباد نے موبائل غسل یونٹ کے نام سے پاکستان کی پہلی تحجیز و تکفین کی جدید سہولیات سے لیس گاڑیاں تیار کرلیں۔

تفصیلات کے مطابق اسلام آباد کے شہری اور دیہی علاقوں میں یا کسی بھی حادثہ میں فوت ہونے والے افراد کے لئے ایک جدید گاڑی تیار کی گئی جس میں مردہ کو نہلانے کے ساتھ ساتھ ان کو کفن اور غسل کی سہولت مہیا کی گئی.

گاڑی میں ائرکنڈیشنڈ ، گرم پانی اور دیگر سہولیات فراہم کی جائیں گی یہ سروس فری مہیا کی جائے گی ،قبا اسلامک سنٹر کے جنرل سیکرٹری عبد الواجد کا کہنا ہے کہ ہمارا ادارہ انسانیت کی خدمت پر یقین رکھتا ہے ہم اپنے شہریوں کی خدمت کے لئے ہر وقت حاضر ہیں.

ایکسپریس سے گفتگو کرتے ہوئے انہوں نے کہاکہ قبا اسلامک سنٹر کے صدر انعام الرحمان کمبوہ جنرل سیکرٹری یاسر عرفات بٹ کی ہدایات کی روشنی میں ایک عظیم پروجکیٹ کو مکمل کیا گیا ہے.

شعبہ خدمت کے تحت کفالت الیتیم، کفالت بیوگان ،میت بس ،المبولینس سروس ،عائشہ ووکیشنل سنٹر ،فری میڈیکل کمپلیکس ،تھیلمیا سنٹر ، بنا المساجد ،قرآن اکیڈیمیز ، راشن پروگرام کا آغاز کیا گیا ہے.

انہوں نے کہاکہ جب کوئی حادثہ ہوتا ہے مردہ کو نہلانے کے لئے کوئی معقول انتظام موجود نہیں ہوتا ہے اس ضمن میں موبائل غسل یونٹ کا قیام ایک روشن مثال ہے۔