۔
پیرس: فرانس کے جنوبی شہر کانیے-سور-میر میں واقع مشہور رینوائر میوزیم میں چوروں نے فلمی انداز میں نقب لگا کر معروف مصور پئیر آگست رینوائر کی دو قیمتی پینٹنگز چرا لیں، جن کی مجموعی مالیت تقریباً 9 ملین یورو بتائی گئی ہے۔
حکام کے مطابق دو چور مکمل تیاری کے ساتھ میوزیم میں داخل ہوئے اور دھاتی آری سے پینٹنگز کے فریم کاٹ ڈالے۔ سائرن بجتے ہی ملزمان نے چار فن پارے اٹھائے، تاہم فرار کی جلدی میں دو پینٹنگز باغ میں چھوڑ گئے۔
چوری ہونے والے شاہکاروں میں ’’میڈم کولونا رومانو‘‘ اور ’’ژون فام او پی‘‘ شامل ہیں۔ پولیس نے ملزمان کی تلاش کے لیے کارروائی شروع کردی ہے، جبکہ کروڑوں روپے مالیت کے تاریخی فن پاروں کی اس دلیرانہ چوری نے فرانس میں میوزیم سکیورٹی پر ایک بار پھر سنگین سوالات کھڑے کردیے ہیں۔
Leave a Reply