واشنگٹن: امریکی نائب صدر جے ڈی وینس نے واضح کیا ہے کہ امریکا اسرائیل کا اہم شراکت دار ضرور ہے، لیکن مشرق وسطیٰ میں واشنگٹن کی خارجہ پالیسی امریکی قومی مفادات کے مطابق ہونی چاہیے اور اسے اسرائیلی حکومت کی پالیسی کے تابع نہیں کیا جاسکتا۔
آل اِن پوڈکاسٹ کانفرنس سے خطاب کرتے ہوئے وینس نے کہا کہ فوجی ٹیکنالوجی اور انٹیلی جنس سمیت کئی شعبوں میں دونوں ممالک کے مفادات مشترک ہیں، تاہم اختلاف کی صورت میں امریکا کو اپنے مفادات کو ترجیح دیتے ہوئے آزادانہ فیصلے کرنا ہوں گے۔ انہوں نے نیٹو کی مثال دیتے ہوئے کہا کہ مضبوط اتحاد کا مطلب اپنی خارجہ پالیسی کسی اتحادی کے تابع کرنا نہیں ہے۔
Leave a Reply