’بیٹ مین ٹو‘ کی اسٹار کاسٹ کا اعلان، کون کون شامل ہے؟

ہدایتکار میٹ ریوز نے بالآخر اپنی آنے والی فلم ’دی بیٹ مین پارٹ ٹو‘ کی مرکزی کاسٹ کی منفرد انداز میں باضابطہ تصدیق کردی ہے۔

60 سالہ فلم ساز نے سوشل میڈیا پلیٹ فارم ایکس پر مختلف کرداروں کی مختصر ویڈیوز اور دلچسپ پیغامات شیئر کرتے ہوئے اداکاروں کی واپسی کا اعلان کیا۔

میٹ ریوز نے سب سے پہلے رابرٹ پیٹنسن کی بروس وین کے روپ میں ایک ویڈیو شیئر کی اور لکھا، ’ہم دوبارہ مل رہے ہیں، میرے دوست‘۔

اس کے بعد جیفری رائٹ کی کمشنر جم گورڈن کے کردار میں واپسی کی تصدیق کی گئی۔

رپورٹس کے مطابق سیبسٹین اسٹین، اسکارلیٹ جوہانسن اور بیری کیوگھن بھی فلم کا حصہ بن سکتے ہیں، تاہم اس حوالے سے باضابطہ اعلان ابھی باقی ہے۔

واضح رہے کہ ’دی بیٹ مین پارٹ ٹو‘ یکم اکتوبر 2027 کو دنیا بھر کے سینما گھروں میں ریلیز کی جائے گی۔