بلوچستان اسپیشل ڈیولپمنٹ انیشی ایٹو؛ صحبت پور میں تمام 72 منصوبے مکمل

صحبت پور: بلوچستان اسپیشل ڈیولپمنٹ انیشی ایٹو (BSDI) کے تحت ضلع صحبت پور میں ترقیاتی منصوبوں کے فیز ون اور ٹو کے تمام 72 منصوبے ریکارڈ مدت میں مکمل کر لیے گئے، جن کے لیے 60 کروڑ 56 لاکھ روپے مختص کیے گئے تھے۔منصوبوں کے ذریعے بنیادی سہولیات، انفرا اسٹرکچر اور عوامی فلاح کے شعبوں میں بہتری پر خصوصی توجہ دی گئی۔ منصوبوں کی نگرانی ڈسٹرکٹ کوآرڈی نیشن کمیٹی نے کی جبکہ ایف سی بلوچستان نارتھ، سول انتظامیہ اور منتخب نمائندوں نے بھی مؤثر نگرانی میں کردار ادا کیا۔ان منصوبوں کی تکمیل سے صحبت پور میں بنیادی سہولیات کی فراہمی بہتر ہونے کے ساتھ مقامی ترقی، خوشحالی اور معیارِ زندگی میں بہتری کی راہ ہموار ہونے کی توقع ہے۔