وفاقی حکومت کا ڈیجیٹل معیشت کے فروغ کیلئے جدید آئی ٹی کورسز شروع کرنے کا فیصلہ

وفاقی حکومت نے پاکستان میں ڈیجیٹل معیشت کے فروغ کے لیے ملک بھر میں جدید آئی ٹی کورسز شروع کرنے کا فیصلہ کیا ہے اور اس کے لیے وفاقی وزیر شزہ فاطمہ نے ملک بھر میں جدید آئی ٹی کورسز فوری شروع کرنے کی ہدایت کردی ہے۔

وفاقی وزیر آئی ٹی شزہ فاطمہ خواجہ کی زیر صدارت آئی ٹی تربیتی اداروں کے سربراہان کا اجلاس ہوا، جس میں نوجوانوں کو عالمی معیار کی ڈیجیٹل مہارت فراہم کرنے اور آئی ٹی افرادی قوت کی تیاری تیز کرنے کے لیے قومی لائحہ عمل پر اتفاق کیا گیا۔شزہ فاطمہ نے تمام صوبوں کو فوری طور پر جدید آئی ٹی کورسز اور عالمی معیار کے تربیتی پروگرامز شروع کرنے کی ہدایت کی۔

انہوں نے کہا کہ نوجوانوں کو عالمی مارکیٹ، فری لانسنگ اور ڈیجیٹل معیشت کے تقاضوں کے مطابق تیار کرنا، حکومت کی اولین ترجیح ہے۔وفاقی وزیر نے آئی ٹی تربیتی اداروں کو اپنی کارکردگی سے متعلق ہفتہ وار رپورٹ وزارت آئی ٹی کو پیش کرنے کی بھی ہدایت کی ہے۔