فیفا ورلڈکپ کے فاتح لامین یمال کا ہم شکل نوجوان سوشل میڈیا پر وائرل

اسپین اور بارسلونا کے اسٹار لامین یمال سے حیرت انگیز مشابہت نے کیرالہ کے 15 سالہ ایلن جیمز کی قسمت بدل دی ہے۔

بھارتی شہر کولم کے چکّوولی سے تعلق رکھنے والا ایلن چہرے کے خدوخال، ہیئر اسٹائل اور مسکراہٹ کے باعث پہلی نظر میں یمال جیسے دکھائی دیتا ہے۔

اگرچہ مقامی افراد پہلے بھی اس مشابہت کی نشاندہی کرچکے تھے تاہم وی لاگر نکھل منوہر کی جانب سے بنائی گئی ویڈیو نے ایلن کو بڑے پیمانے پر شہرت دلا دی۔

یمال کی جرسی پہنے ایلن کی ویڈیوز نے سوشل میڈیا پر مزید توجہ حاصل کی جن میں سے ایک ویڈیو کو انسٹاگرام پر 14 ملین سے زائد ویوز مل چکے ہیں۔

ایلن صرف شکل و صورت میں ہی فٹبال سے نہیں جڑا بلکہ وہ دسویں جماعت کا طالب علم اور اپنے اسکول کی فٹبال ٹیم کا دفاعی کھلاڑی بھی ہے۔

یمال کی طرح وہ بھی لیونل میسی کا مداح ہے اور اس کی پسندیدہ ٹیم ارجنٹائن ہے۔